Hajdar Hoxhaj, Kryeshef Ekzekutiv i Ndërmarrjes Publike Banesore SH. A. dhe Arsim Fetahu, Kryeshef Ekzekutiv i NP ”TERMOKOS” SH.A. nënshkruan sot kontratë për intervenime urgjente për nevojat e “Termokos”.

Nga tani intervenimet urgjente në infrastrukturë rrugore si: sanimi i gropave , punim i pusetave, shtrim i kubëzave e anësoreve si dhe riparimi dhe mirëmbajtja e nënstacioneve, do të bëhet nga NPB.

Këto intervenime të NPB do t’i përcjellin planet dinamike të Termokos-it për dendësim, zgjerim dhe rehabilitim të rrjetit të ngrohjes qendrore.

NPB dhe Termokos mbesin të përkushtuara që të bashkëpunojnë edhe për projekte tjera potenciale në të ardhmen.